- STEWART GREEN nga Anglia -

Ka dy canta në shpinë, njërën në të cilën mban  ndërresa e rroba fjetjeje alpine nëse ndokund e zë nata, dhe në tjetrën “guidën” e nxjerrë vetë nga interneti, harta, blloqe shënimesh, foto dhe shënime ekstrate në grafikë apo shenjëza nga rrethrëniet  tej e më tej 104 vendeve të globit.

Më ka rënë në sy krejt rastësisht teksa ky burrë i imët 42 vjecar, është shfaqur para “hotel turizmit” të dikurshëm në Rrëshen, i cili ruan ende dyert e qëmotit! I shtyn si llajka, por nuk gjen njeri aty, e ndërkaq Kola që punon për një axhensi sigurimesh, jep e merr me telefon për të gjet recepsionistin e hotelit. E lë njërën cantë brenda tek holli dhe më pas del jashtë duke kundruar sheshin e qytetit në të cilin ka shkelur vecse pak minuta më parë.