-Mbajtur nga Ipeshkvi i dioqezës Rrëshen, Monsinjor Cristoforo Palmieri gjatë Javës së Shenjtë të Pashkëve-

Nuk mund të rrija indiferent, si botues i ketij web-i ndaj meditimeve përmbledhesë të Ipeshkvit të Dioqezës Rrëshen, monsinjor Cristoforo Palmieri, mbajtur gjatë Javës së Shenjtë të Pashkëve 2010 në Katedrale para besimtarëve dhe banorëve të shumtë të zonës sonë. (Per fat te keq nuk kemi as gazete dhe as reviste ne Mirdite,per t’i shpallur publikisht e arkivuar materiale te kesaj cilesie!....)

Nëse hyhet në brendësi të cdo fjale të mbajtur, e ke të lehtë të kuptosh shumë për këtë Javë të Shenjtë, por dhe ta ndiesh brenda vetes tërë përkushtimin e Njeriut të Hyjit për të patur një botë më të pasur shpirtërisht, për t’u ndjerë më të lidhur me njerëzit në nevojë,dhe për të hedhur tutje cinizmin e të jetuarit pa cmuar jetën e tjetrit.

Krishti, i gjalli që do të gjykojë historinë…

Nëse Krishti është Pashka jonë, së pakut për të krishterët, si mund të festojmë nëse nuk njohim Krishtin? Nëse Krishti, Pashka jonë, është flijuar për të vënë paqe mes shumë të ndarëve në një popull të vetëm, si mund të festojmë nëse nuk jemi në paqe mes nesh?

Krishti, Krishti, gjithmonë Krishti, vetëm Krishti! Po, Krishti, paqja jonë, lexues të dashur besimtarë apo jo, praktikues apo jo, është programi dhe impenjimi që jam kthyer të rimarr në konsideratë duke hyrë marrë pjesë në “Këshillin Apostolik” nga dita e emërimit tim ipeshkvnor: 28/12/2005.

Krishti, Krishti, gjithmonë Krishti, vetëm Krishti! Sa herë kam e lexuar, thirrur, dëgjuar, ndoshta blasfemuar ... por kush e din nëse takuar këtë Njeri-Hyji.